Berit H Våle er no tilsett i barne- ungdom og familiearbeidet i 30% stilling. Det gler me oss over! Flott at me no har fått ein person til å ha spesielt fokus på det flotte som veks fram på denne fronten i forsamlinga vår! Ver med å omslutt Berit og resten av familien i forbøn.
Nain under forandring!
For den som har vore på Vangen i sommar, vil ein sjå at det skjer saker og ting med Nain. Spennande! Ser fram til å får eit meir funksjonelt lokale. Nokre glimt frå byggeperioden……
Framleis god sommar!
Når me ser tilbake på første halvdelen av dette året, vert me fylt av takksemd og glede! Mykje flott har skjedd i forsamlinga – stort å få vera med på at menneske opnar seg og slepper Jesus til i livet og får ta i mot frelsa Han har å gje. Noko som gjev sikkert fundament og håp for livet.
Å la Jesus vera herre i livet fører til vekst, og frukta av det er menneske som bryr seg om og hjelper kvarandre. På den måten veks fellesskapet.
Spennande å sjå framover, og me har forventning til Gud! Han ynskjer å velsigna og inviterer oss til å vera med på det han gjer . Difor er det vår bøn at me som enkeltmenneske og fellesskap får vera i Guds leiing til velsigning for bygda vår, og at det får ringvirkningar vidare utover!